Франциянын жаңы премьер-министри дайындалды

Франциянын жаңы премьер-министри болуп 73 жаштагы Франсуа Байру дайындалганын Елисей сарайы билдирди. Бул туурасында чет элдик басылмалар жазышты.

Маалымдалгандай, Байру билим берүү министри болуп иштеген жана 2002, 2007 жана 2012-жылдагы шайлоолордо президенттикке талапкер болгон.

Белгилей кетсек, 5-декабрда Франциянын Улуттук жыйыны мурунку премьер-министри Мишель Барньенин өкмөтүн ишенимсиз деп таап, резолюция кабыл алган. Бул 1962-жылдан бери биринчи жолу болуп жатат. Мындай чечимди кабыл алуу үчүн орточо 289 добуш керек болчу. Натыйжада 331 добуш менен кабыл алынгандыгы айтылган.

Автор: Замира Ниязбекова