Бишкектеги Искусство университетинин жаңы имараты курулат

Бишкек шаарында жайгашкан Б.Бейшеналиева атындагы Кыргыз мамлекеттик искусство университетинин жаңы имаратын курууга долбоорлоо иштери башталды. Бул тууралуу бүгүн, 10-январда аталган окуу жайдан билдиришти.

Маалыматка ылайык, аталган маселе боюнча тиешелүү органдар тарабынан түзүлгөн комиссия окуу жайга барып, жаңы имарат салынуучу жерди көрүштү.

Комиссиянын башында Архитектура, курулуш жана турак жай-коммуналдык чарба мамлекеттик агенттигинин директорунун орун басары Талант Иманакунов жана Маданият, маалымат, спорт жана жаштар саясаты министрлигинин өкүлдөрү турат.

Автор: Айжанар Рыспек кызы