Жеңишбек Токторбаев Ошто сел коркунучу бар аймактарды кыдырды

Ош шаарынын мэри Жеңишбек Токторбаев ӨКМдин Ош шаары боюнча башкармалыгынын башчысы Алтынбек Абылаев менен биргеликте шаардагы сел кооптуулугу бар аймактарды кыдырышты. Бул тууралуу калаа мэриясы маалымдады.

Билдирүүгө ылайык, алар Жапалак, Төлөйкөн айыл аймактарындагы, Алымбек датка, Курманжан датка муниципалдык аймактык башкармалыктарындагы сел каналдардын, көпүрөлөрдүн жана Тотоев көчөсүндөгү кооптуу жайгашкан 13 үйдүн абалын көрүп чыгышты.

Шаар башчысы жеринде тез аранын ичинде жаан-чачындар башталганга чейин сел кооптуулугун жоюу, толуп калган сел каналдарды тазалоо боюнча бир катар тапшырмаларды койду.

Автор: Айжанар Рыспек кызы