Бишкекте дарактарды мыйзамсыз кыюу фактысы аныкталды

Бишкек шаарындагы Васильев тракт көчөсүнүн боюндагы дарактардын мыйзамсыз кыйылганы аныкталды.

Мэриядан билдиргендей, бул мыйзам бузуу фактынын негизинде «Бишкекжашылкурулуш» муниципалдык ишканасынын жана Жаратылыш ресурстар министрлигинин кызматкерлеринен турган комиссия түзүлдү.

Кара-Жыгач жана Ива түрлөрүнөн 49 дарак кыюу катталды. Ошондой эле уруксатсыз санитардык кыюу да болгон.

Маалым болгондой, дарак кыюу иштери алдын ала макулдашпастан жүргүзүлгөн. Экологияга келтирилген зыяндын анализи жүргүзүлдү. Ар бир дарактын диаметри өлчөнүп, экологдор тарабынан айып пулдун суммасы чыгарылат.

Автор: Айжанар Рыспек кызы
Фото: Бишкек мэриясы