Бостериде акча жана уюлдук телефон тоноого шектүү жарандар кармалышты

Бостериде акча жана уюлдук телефон тоноого шектүү жарандар кармалышты. Бул тууралуу Ысык-Көл облустук ЖКККББнын басма сөз кызматы билдирди.

Маалыматка ылайык, 15-июнда 1995-жылы туулган Д.Б. аттуу жаран Бостери айылынын "Ярмарка" базарынын алдынан 1500 сом акчасын жана Редми Нот үлгүсүндөгү уюлдук телефонун белгисиз эки жаран күч колдонуп тартып алгандыгы боюнча милиция кызматкерлерине кабарлаган.

Бул факт боюнча ыкчам кармоо иш-чаралары жүргүзүлүп, милициянын кайгуул кызмат башкармалыгынын жана Кайгуул күзөт полкунун кызматкерлери тарабынан кылмыш изи сууй электе кылмышка шектүү катары 1991-жылы туулушкан К.Б. жана Т.у.Э. аттуу жарандар кармалып, Ысык-Көл РИИБинин тергөө кызматына өткөрүлүп берилди.

Азыркы тапта бул факт боюнча тергөө амалдары жүрүп жатат.

ЖКККББ жарандарды кылмыштардын алдын алуу үчүн этият болууга жана шектүү жагдайлар жаралса, дароо 102 кызматына жана 0777 102 102 ишеним номуруна кабарлоого чакырат.