Суу ташкыны үйгө кирип... Нарында сел жүрдү (видео)

Нарында нөшөрлүү жамгырдан улам сел жүрүп, 45 короону, эки турак үйдү каптады. Бул тууралуу ӨКМдин маалымат борбору кабарлады.

Маалымдалгандай, кечээ, 22-июнда Нарын каналынын деңгээли көтөрүлүп, андан ашкан суу Ак-Коргон тилкесинин Рыскулов көчөсүндө жайгашкан турак үйлөрдү каптады. Өз учурунда 10 турак үйдүн короо жайы, анын ичинен 1 турак үйдүн ичине кирген сел суулар толугу менен тазаланды.

Бүгүн, 23-июнь күнү жерине тактоо иштерин жүргүзүүгө Нарын шаардык Жарандык коргонуу комиссиясы жана селдин кесепеттерин жоюуга куткаруучулардан жана тийиштүү мекемелердин кызматкерлеринен 43 жаран жана 3 техника тартылды.