Ташиев өлкө экономикасынын өсүшү мурдагы СССР мамлекеттеринин ичинен биринчиге чыкканын айтты (видео)

УКМК башчысы Камчыбек Ташиев Кыргызстандын экономикасы өсүү темпи боюнча мурдагы СССР мамлекеттеринин арасынан биринчи орунга чыкканын айтты.

"2023-жылы экономикабызда 8,5 пайыз өсүү болсо, 2024-жылы 9,5 пайыз болду. Быйыл 6 айда 10,5 пайызга чыкты. Мына бюджетибиз 3,5 эсе көтөрүлдү. 2020-жылга чейин бажыдан эң көп топтолгон сумма 38 миллиард сом болсо, бүгүнкү күндө ал тармактан 150 миллиард сом топтолуп жатат. Салыктан 60 миллиард сомго жетпеген сумма топтолуп келсе, азыр 250 миллиард сом чогулуп жатат. Биздин экономикабыз кызуу темп менен өнүгүп жатат", - деди ал Чаткал районунун эли менен болгон жолугушууда.