Куткаруучулардын майрамын утурлай ӨКМге 28 жаңы техника берилди

Бүгүн, 1-июль Кыргыз куткаруучуларынын кесиптик майрамын утурлай Өзгөчө кырдаалдар министрлигине жалпы 28 техника берилди. Бул тууралуу министрликтин маалымат борбору билдирди.

Белгиленгендей, иш-чарага УКМКнын башчысы Камчыбек Ташиев катышып, техникаларды тапшырды. Ал куткаруучуларды элдин алкышы коштоп, мамлекеттин колдоосу менен өркүндөп өсө беришине тилектештигин билдирди.

Берилген техникалар:

- 11 Камаз үлгүсүндөгү өрт өчүрүүчү унаа;

- 4 бортуу камаз;

- 3 BYD жеңил унаасы;

- 6 Кобальт Шеврале;

- 1 Шеврале трекер;

- 1 Крузак;

- 2 Погрузчик.

Мындан тышкары, өрт өчүрүүчүлөр үчүн 500 күжүрмөн кийими жана башка өрт өчүрүүчү шаймандар тапшырылды.

Жалпысынан министрликтин базасын 800гө жакын атайы техникалар түзсө, алардын 572си акыркы 4 жылда жаңы келген.