Эсеп 1:1. Арсен Шаршенбеков эсеп санын теңеди (видео)

Бүгүн, 17-июлда U-23 арасындагы эл аралык футбол мелдешинин алкагында Кыргызстандын жаштар курамасы менен Сириянын командасы оюн талаасына чыкты. Дөлөн Өмүрзаков атындагы борбордук стадиондо өтүп жаткан беттеште Сирия курамасы эсеп санын ачып, бир гол киргизди.

Оюндун 68-мүнөтүндө кыргызстандык оюнчу Арсен Шаршенбеков пенальтиден гол киргизип, эсеп санын теңеди.

Белгилей кетсек, мелдеш 1–9-сентябрь күндөрү Бишкекте өтө турчу Азия Кубогунун тандоо туруна даярдык көрүү максатында өткөрүлүүдө. Анда Кыргызстандын U-23 курама командасы E тайпасына Өзбекстан, Палестина жана Шри-Ланка курамалары менен күч сынашат.