"Жөн эле өлтүргүм келди". Жолугушууга барган аялдын жансыз денеси табылды

Екатеринбургда аялды өлтүргөн деп айыпталган жаран милицияга "жөн эле өлтүргүм келди, өлтүрдүм" деп айткан.

Маалыматка ылайык, 19-июль күнү эртең менен Пермь-Екатеринбург унаа жолунун 318-чакырымында кароосуз калган унаа аныкталып, анын ичинде бычактан көптөгөн жаракаттар менен 38 жаштагы аялдын жансыз денеси табылган.

Адам өлтүрүү фактысы боюнча кылмыш иши козголгон.

Окуя болгон жерди жана жабырлануучунун денеси турган унааны кылдат текшерүү учурунда кылмыштын бетин ачууга жардам бере турган издер табылып, жазылып алынган жана алынган.

Кылмышка шектүүнүн өздүгү такталган. Ал мурда мүлктүк кылмыштар үчүн соттолгон Екатеринбург шаарынын 26 жаштагы тургуну. Шектүү ижарага алынган батирде кармалган.

Тергөөнүн маалыматы боюнча, 18-июль күнү кечинде социалдык тармак аркылуу белгисиз аял менен байланышып, таанышууну сунуштаган. Аял такси тармагында иштеген. Ал унаасы менен жолугушууга келген.

Жолугушууда шектүү аялды бир нече жолу бычактап салган. Жабырлануучу алган жаракатынан улам окуя болгон жерден каза болгон.

Кылмышкер унаасын айдап, Екатеринбургду аралай баштаган. Кийинчерээк ал киши шаардын сыртына чыгып, алдыңкы дөңгөлөктөрүн бузуп, унааны сөөк менен Ревда аймагына таштап туруп, өзү такси менен үйүнө кетип калган.

Автор: Айсулуу Урустамова