Депутат Райкан Төлөгөнов Бишкек жана Ош шаарларында муниципалдык полиция түзүүнү сунуштады

Бүгүн, 18-декабрда ЖКнын Отун-энергетика комплекси жана кен байлыктарды пайдалануу боюнча комитетинин жыйынында "Бишкек жана Ош шаарларынын статусу" тууралуу мыйзам долбоору талкууланды. Талкуу маалында депутат Райкан Төлөгөнов тарабынан Бишкек жана Ош мэрияларында муниципалдык полиция түзүү сунушу айтылды. Депутаттын айтымында, ШИИБ КРнын Ички иштер министрлигине баш ийгендиктен, мэрлер шаардагы абал боюнча жоопкерчилик албай жатат. "Шаар башчыларына мэриянын көзөмөлүндөгү муниципалдык полиция түзүүнү тапшыруу керек. Ошондо мэр шаардагы абалга түздөн-түз жоопкерчиликтүү болот", - деди Төлөгөнов.

Автор: Автандил Добулбеков