"Салам-Алик" командасы волейбол боюнча кыз-келиндер арасында Кыргызстандын чемпиондугун жеңип алды

"Салам-Алик" айымдар командасы волейбол боюнча Кыргызстандын чемпиондугун жеңип алды. Бул тууралуу Кыргызстандын Волейбол федерациясынан билдиришти. 21-23-декабрда Бишкек шаарында өткөн чемпиондукка жалпысынан 4 команда катышкан. Ал эми 2-орунду "КРСУ" командасы камсыздаса, 3-орунга "Улар" командасы илинген. Оштон келген "Алай-Датка" командасы 4-орунда калды. Мелдештин алкагында жекеликте да мыктылар аныкталып, "Мыкты оюнчу" наамдарына "Салам-Алик" командасынан Анастасия Щелокова, "КРСУ" командасынан Юлиана Морозова, "Улар" командасынан Нургиза Масимова жана "Алай-Датка" командасынан Айсулуу Нурланбек кызы арзыды.

Автор: Айдай Асанбекова