УЕФАнын Чемпиондор Лигасы: Бүгүн “Атлетико” менен “Челси” кез келет

Мадридде өтө турган беттеш Бишкек сааты боюнча 00:45те орун алат.

УЕФАнын Чемпиондор Лигасынын жарым финалынын алгачкы оюнунда бүгүн, 22-апрелде мадриддик “Атлетико” өз үйүндө лондондук “Челси” менен кез келет. Беттеш Бишкек сааты боюнча 00:45те орун алат.

Кошумчалай кетсек, бул командалар 2 оюндун жыйынтыгы менен Чемпиондор Лигасынын финалчысын аныкташат. Жооптук оюн 30-апрелде Лондондо өтөт.

Командалардын башкы машыктыруучуларынын оюн тууралуу пикирлери:

Диего Симоне, “Атлетиконун” башкы машыктыруучусу:

“Ооба, бул эки команданын оюну окшош. “Атлетико” да, “Челси” да коргонууда мыкты. 2 команда тең чабуулга өз маалында чыгат жана стандарттык абалдарда мыкты. Оюн кыйын болот”.

Жозе Моуринью, “Челсинин” башкы машыктыруучусу:

“Менин оюмча, бул беттешке кызыккандар көп жана УЕФАнын Чемпиондор Лигасынын жарым финалында ойноону каалабаган машыктыруучу жана футболчу болбойт. Биз атаандашты сыйлайбыз. “Атлетиконун” оюнун изилдеп, анализдеп чыктык”.

Автор: Максат Кудайбердиев