Кыргызстан менен Европа инвестициялоо жана өнүктүрүү банкынын ортосундагы кредиттик макулдашуу ратификацияланды

КРнын Президенти Алмазбек Атамбаев «2013-жылдын 21-майында Бишкек шаарында кол коюлган «Кант шаарын суу менен жабдуу жана канализациясын реабилитациялоо» долбоорун каржылоо жөнүндө Кыргыз Республикасы менен Европа реконструкциялоо жана өнүктүрүү банкынын ортосундагы кредиттик макулдашууну ратификациялоо тууралуу» мыйзамга кол койду.

Ушул мыйзам менен Тышкы иштер министрлигине Европа реконструкциялоо жана өнүктүрүү банкына жогорудагы көрсөтүлгөн макулдашуунун күчүнө кириши үчүн зарыл болгон мамлекеттик ички жол-жоболорду аткаргандыгы жөнүндө кабарлоо милдети тапшырылды. Жогорку Кеңеш тарабынан 2014-жылдын 9-апрелинде кабыл алынган мыйзам расмий жарыяланган күндөн тартып 10 күн өткөндөн кийин күчүнө кирет. Бул тууралуу 14-майда президенттин басма сөз кызматы маалымдады.