Алмазбек Атамбаев: "Азия мамлекеттерин бириктире турган темир жолдун Кыргызстан аркылуу өтүүчү бөлүгүн курууну өзүбүз чечишибиз керек"

Бүгүн, 20-майда Шанхайда кыргыз журналисттери менен болгон сүйлөшүүдө КРнын Президенти Алмазбек Атамбаев учурдагы бир топ актуалдуу суроолорго жооп берип, мамлекеттик иш сапардын жетишкендиктерине токтолуп өттү.

"Кыргызстандын түндүгү менен түштүгүн бириктирүүчү альтернативдик автожолду аягына чыгаруу үчүн 300 миллион доллар керек. Эки жылдан бери Кыргызстан менен Кытайды жана дагы бир топ Азия мамлекеттерин бириктире турган темир жолду куруу боюнча сүйлөшүүлөр жүрүп жатат. Бул иш сапарда, албетте, ал да талкууланды. Биз темир жолдун Кыргызстан аркылуу өтүүчү бөлүгүн өзүбүз, башка өлкөлөрдүн кийлигишүүсүз чечишибиз керек. Ал ириде Кыргызстандын түндүгү менен түштүгүн бириктирген темир жол болушу керек. Биз ушул шартты коюп жатабыз. Албетте, ири держава менен сүйлөшүүлөрдү жүргүзүү жеңил иш эмес. Бул ириде бизге керек",- деди Атамбаев.

Автор: Айпери Ганыжан кызы