Кыргызстанда 2013-жылы жарандардын адвокат кызматын акысыз пайдалануусу үчүн бюджеттен 6 миллион сом бөлүнгөн. Маалымат бүгүн, 11-июнда парламент жыйынында айтылды. Өкмөт өкүлү былтыр өлкөдө канча жаран акысыз адвокаттык консультация алганы боюнча так маалымат айта алган жок.
Депутат Дамира Ниязалиева былтыр 6 миллион сомдун 4 миллиону гана пайдаланылганын билдирди. Кыргызстанда калктын 40 пайызы жакырчылыкта жашай турганын кошумчалады депутат.