Ош шаарындагы жумушсуз деп тизмеде тургандардын 65 пайызын жаштар түзөт. Мындай маалыматты бүгүн, 21-июнда Эмгек, миграция жана жаштар башкармалыгынын Ош шаары боюнча жетекчиси
Ороз Шарипбаева билдирди.
Анын айтымында, 20-июнда өткөн жумушка орноштуруу боюнча жарманкеде 5 миңге жакын бош орун сунушталды.
"Сунушталган жумуш орундарынын басымдуу бөлүгү чет өлкөлөрдөн. Бирок башка мамлекетке барып иштөө үчүн бир нече шарттарга жооп бериши керек. Мисалы, кайсы өлкөнү тандаса, ошол жердин тилин билүүсү жана кесиптик билимге ээ болушу керек",- деди ал.