Ош шаарындагы окуучулар шаардык прокуратуранын ишмердүүлүгү менен таанышып чыгышты

Ош шаардык прокуратурасы Ош шаардык билим берүү башкармалыгы менен биргеликте шаардагы мектеп окуучуларына прокуратураны тааныштыруу саякатын өткөрдү. Бул тууралуу бүгүн, 23-июнда Билим берүү башкармалыгынын басма сөз кызматы билдирди.

Анда окуучулар өздөрүнүн кызыккан суроолорун беришип, Ош шаардык прокурорунун орун басары Рыспек Куловдон жооп алышты. Ошону менен бирге аталган прокуратуранын коррупцияга каршы бөлүмүнүн башчысы Алтынбек Кожоназаров укук жана милдет темасында маалымат берди. Ага бир катар билим берүү жетекчилери катышты.

Автор: Айсана Паизова
Фото: Ош шаардык билим берүү башкармалыгынын басма сөз кызматы