Чүй облусунун Москва районунда Ераз автоунаасы көлмөгө түшүп кетип, айдоочу каза болду

1-ноябрда болжол менен саат 13:30дарда Чүй облусунун Москва районунда жол кырсыгы катталды. Бул тууралуу 2-ноябрда Чүй ОИИБинин маалымат кызматы билдирди. Ераз автоунаасынын айдоочусу Кыз-Моло айылынын 55 жаштагы тургуну У.Р. Кыз-Моло-Предтеченко автожолунда жүрүп баратып рулду башкара албай, Кыз-Моло айылынан 3 чакырым алыстыкта жайгашкан көлмөгө түшүп кеткен. Жол кырсыгынын натыйжасында айдоочу автоунаадан чыга албай калып, каза болгон. Жол кырсыгы кандай жагдайда болгондугу иликтенүүдө.

Автор: Нурбек Абдыкадыров