Чүйдөгү 8 колонияны жана 3 СИЗОну эт менен камсыздоо үчүн аптасына 20 бука союлат

Чүйдөгү 8 колонияны жана 3 СИЗОну эт менен камсыз калуу үчүн апта сайын 20дай бука союлат. Муну 10-июлда Жаза аткаруу мамлекеттик кызматынан билдиришти. Аталган мекеме жакында чарбасын кеңейтүү үчүн тоок фабрикасын ачканы жатыптыр. ЖАМК төрагасынын орун басары Нурлан Орозалиев:

"ЖАМК коррупцияга каршы күрөшүү үчүн өзүнүн чарбасын ачкан. Биринчи максаты - тендер өткөрбөө, экинчиден, соттолгондорго мүмкүн болушунча көбүрөөк иш берүү. Буга чейин соттолгондор Кытай жана Индия өндүрүшчүлөрүнүн эт азыгы менен тамактанып келишкен. Кыргыз-Түрк "Манас" университети менен келишим түзгөнбүз, букалардын саламаттыгына, аларга кантип кам көрүү керек экенине аталган окуу жайдын профессор-ветеринарлары жардамдашат. Чарба иштерине соттолгон 10 адам тартылган",- дейт.

Автор: Автандил Добулбеков