Депутаттар Эльвира Сариевага “бирдиктүү мектеп формасын жокко чыгаргыла” дешти

Жогорку Кеңештин Социалдык саясат боюнча комитетинин 30-сентябрдагы жыйынында депутат Дамира Ниязалиева вице-премьер-министр Элвира Сариевага: “Социалдык жактан муктаж болгон адамдарга бирдиктүү мектеп формасын акысыз бере албасаңар, бирдиктүү мектеп формасын жокко чыгаргыла, моралдык укугуңар жок”,- деди. Ниязалиеванын айтымында, өкмөт форманы сатып алууга шарты жок үй-бүлөлөргө акысыз бериши керек. “Бүгүн силер форманы киргизгениңер менен, баары эле сатып ала албайт. Анан эки-үч жылдан кийин арзан кылып Кытай да чыгара баштайт. Бирок азыркы чыгарып жаткан формалар да техникалык регламентке туура келбейт, синтетика болуп жатат”,- деди депутат.

Автор: Жамалидин Парманкулов