Кыргызстандык Нургазы Чолпонбаев эл аралык футбол федерациясынын судьялар тизмесине кирди

Кырызстандык Нургазы Чолпонбаев быйыл эл аралык футбол федерациясынын (ФИФА) судьялар тизмесине кирди. Бул маалыматты Кыргызстандын футбол федерациясынан билдиришти. ФИФАнын судьялар боюнча инструктору Виктор Колпаковдун айтымында, улуттук федерациялар аталган тизмеге кирүүгө татыктуу болгон судьялардын талапкерлигин жыл аягында сунуштайт. Андан кийин алар ФИФАнын чечими менен эл аралык класстагы калыстардын тизмесине кирет. Эскерте кетсек, буга чейин ФИФАнын тизмесине кирген Кыргызстандын үч гана судьясы болгон. Алар: Дмитрий Машенцев, Тимур Файзуллин жана Рысбек Шекербеков.

Автор: Ширин Жумадилова