Төрага Асылбек Жээнбеков 29-январда Кыргызстан мусулмандарынын муфтийи Рахматулла ажы Эгембердиев баштаган өлкөнүн жети облусунун жана Бишкек, Ош шаарларынын казыларын кабыл алды. Бул тууралуу Жогорку Кеңештин басма сөз кызматы билдирди. Бул жолугушууда жаштарга туура таалим-тарбия берүү, коомдун руханий жашоосундагы диний кызматкерлердин ролу, дин тармагындагы орчундуу көйгөйлөр тууралуу пикир алышуу болду.