Геология агенттиги: Системдүү коррупцияны жоготуу планындагы иш-чаралар 81 пайызга аткарылды

Геология жана минералдык ресурстар мамлекеттик агенттиги системдүү коррупцияны жоготуу планындагы иш-чараларды 81 пайызга аткарды. Муну бүгүн, 9-декабрда аталган мекеменин маалымат кызматы билдирди. Маалыматка таянсак, агенттиктин алдына быйыл аталган багытта 40 иш-чара өткөрүү милдети жүктөлгөн. "Кыргызстандын Коргоо кеңеши жүргүзгөн мониторингдин жыйынтыгында иш-чаралардын 81 пайызы аткарылганы белгилүү болду. Муну менен бирге бир катар иш-чаралар атайын өкмөт тараптан бекитилген процедуралардан өтүүдө. Мындай шартта 15 иш-чара толук, 4ү толук эмес аткарылды. 18 иш-чара аткарылуу стадиясында",- деп айтылат маалыматта.

Коргоо кеңеши Геология агенттигинин материалдарын изилдеп көрүп, "план эффективдүү аткарылып жатат" деген жыйынтыкка келген. Бирок башка мамлекеттик органдар менен байланышты жандантуу талабы айтылган.

Автор: Автандил Добулбеков