Экономика министри: "2015-жылга чоң үмүттөр менен кирип жатабыз"

Кыргызстан 2015-жылга экономикалык тармакта чоң үмүттөр менен кирип жатат. Бул тууралуу бүгүн, 16-январда тегерек столдун жүрүшүндө экономика министри Темир Сариев билдирди.

Анын айтымында, акыркы жылдары бардык күчтөр саясий абалды турукташтырууга жумшалган. "Үстүбүздөгү жылы 45 миллиард сом көлөмүндөгү мамлекеттик инвестиция болушу күтүлөт. Былтыр 19 миллиард сом инвестиция болгон. Пландалган акча каражатынын көбү эки багытка: инфраструктура жана бюджет түзүүчү тармакка бөлүнөт. Тактап айтканда, бул ири жолдорду куруу жана энергетика тармактары",- деди министр.

Автор: Нургазы Аматов
Фото: Нургазы Аматов