Улуттук банктын сырттан алынып келе жаткан жабдууларды төлөмдөрдөн бошотуу сунушу 3-окууда жактырылды

"Кыргыз Республикасынын Улуттук банкы жөнүндө" мыйзамга өзгөртүү киргизүү тууралуу" мыйзам долбоорун парламенттин "Ар-намыс" фракциясы 16-январда карады. Депутаттарга Улуттук банктын төрагасы Толкунбек Абдыгулов баяндама жасады. Анын айтымында, долбоор Улуттук банк тарабынан алынып келе жаткан валюталарды жана жабдууларды бардык бажы пошлиналарынан жана төлөмдөрдөн бошотууга багытталат. Абдыгулов жыйында демилгени дароо 3-окууда колдоп берүүнү суранып, фракция сунушту орундатты.

Автор: Жамалидин Парманкулов