Жаныбек Чапаев Экономика министрлигине караштуу Аккредитация борборунун башчысы болуп дайындалды

Экономика министрлигине караштуу Аккредитация борборунун башчысы болуп Жаныбек Чапаев дайындалды. Тийиштүү жарлыкка премьер-министр Жоомарт Оторбаев кол койгонун бүгүн, 16-январда аталган министрликтин басма сөз кызматы билдирди.

Жаныбек Чапаев:

Туулган жылы - 1964-жыл, 24-март.

Билими - жогорку. 1989-жылы Кыргыз мамлекеттик университетин аяктаган, адистиги - тарых мугалими. 1998-жылы Кыргыз улуттук университетинин юридикалык факультетин бүтүргөн.

Акыркы ээлеген кызматтары: 2010-жылдын 24-майынан 2012-жылдын 8-февралына чейин Каржы министрлигинин алдындагы Экономиканы өнүктүрүү мамлекеттик фондунун директорунун орун басары.

2012-жылдын 18-ноябрынан 2015-жылдын 12-январына чейин Экономика министрлигине караштуу Стандартташтыруу жана метрология борборунун директорунун орун басары.

Автор: Автандил Добулбеков