"Эки имам урушуп кетип, жаназа окубай кетип калышты деген кеп чындыкка дал келбейт" дейт Нарын облусунун аймактык имамы

"Нарын шаарынын РТС аймагында каза болгон айымды акыркы сапарга узатууда шаардын эки имамы уруша кетип, жаназа түшүрбөй кетип калышкан" деген кеп чындыкка дал келбейт. Бул тууралуу SUPER.KG порталына Нарын облусунун РТС аймагынын имамы Сейит Исаев билдирди.

“Каза болгон аялдын күйөө баласы мага 9-январь күнү телефон чалган. Анда ал кайненеси кайтыш болуп калганын айткан. Мен "Биз жаназа окулган күнү эле барабыз, мечитте атайын сөөк көтөрчү адамдар бар. Кепинин бир күн мурун бычалы" дегем. Ал макул болгон. Андан кийин дагы чалган экен, бирок мен сабакта отургандыктан, ага жооп берген эмесмин. Бошобой калгандыктан, мен коңшу аймактын имамы Майрамбек Султаналиевге чалгам. Ал “мен кепинин бычып берип койдум” деди. Эртеси күнү жаназа окуганга бардым. Бирок үй ээси тарабынан жаман сөздөрдү уктум. Андай сөздөрдү бир гана үй ээси эмес, башкалары да айтышты. “Биз 3 күндөн бери сени чакырып, келтире албай койдук, силерге акча эле керек” дешти. Акыры үй ээси “мен сага жаназа окутпайм” деп чыкты. Мен эч нерсе деген жокмун, эгер үй ээлери каршы болуп жатышса, кете берейин деп өз жолума түштүм. Мени менен бирге барган коңшу айылдын имамы Майрамбек Султаналиев да мунун баарына күбө болуп, ал да мени менен бирге кетип калган”,- дейт С.Исаев.

Анын айтымында, маркумга жаназаны башка молдо окуп, ал жерге берилген. Үй ээсинин “имамдар урушуп, жаназа окубай кетип калышты” деп айтканы туура эмес жана чындыкка дал келбейт. Учурда имам анын аброюна шек келтиргени үчүн аны каралаган үй ээсин сотко берүүгө даярданууда.

Эске салсак, буга чейин Нарын облусунун РТС аймагында Бейшегүл Аттокурова аттуу айымды жерге берүү үчүн жаназа окуганга келген эки имам урушуп, кетип калганы айтылган.

Автор: Мальвина Уметбекова

08:58 22-01-2015

Жазылуу

РУБРИКАДАГЫ СОҢКУ КАБАРЛАР

15:34 2024-12-26 | Саясат

Жогорку Кеңеш дин тууралуу мыйзам долбоорун дароо экинчи жана үчүнчү окууда жактырды 76 0

14:40 2024-12-26 | Саясат

Депутат Мамашова туристтердин өлкөгө кирүүсүндө көйгөйлөр болуп жатканын айтты 232 0

14:35 2024-12-26 | Коом жана турмуш

Бишкектеги "Жаштык" сейил багында муз аянтчасы ачылды 219 0

14:34 2024-12-26 | Саясат

Чүйдө эл аралык жана аймактык сооданы колдоо максатында ири кампанын курулушу башталды 209 0

13:57 2024-12-26 | Саясат

Сот департаментинин кызматкерлерине Кыргызстандан чыгып жаткан унаалар берилди (сүрөттөр) 701 0

13:41 2024-12-26 | Коом жана турмуш

Жума күнгө карата аба ырайы 331 0

Архив

Комментарийлер (7)

LEDI7MERI

2015-01-22 09:23:09

Тобоо... Ушу кантип болсун. Аза тутуп жатып,урушкан. Кичине сабырдуурак болушпайбы.

fora

2015-01-22 09:28:33

Эмне болгон кундода соокту тез жерге беруу керекда молдо акелер таштап кетиш туура иш эмеско менин ойумча

ulan030484

2015-01-22 09:45:58

Имамды жаназа окубайсын десе да катардагы момун мусулман катары жаназага катышуу керек. Муну аллахтын ар бир пендеси билет. Жаназа окула турганын билип туруп басып кеткени туура эмес.

tilek88.88kg

2015-01-22 09:54:24

эмне болуп турганын аллах коруп билип сезип турат. Бизге карангы кимисинде касяк бар экени. Жаткан жери жайлуу болсун !

Deniza88

2015-01-22 13:15:22

Ооба, молдолор мындай кылышы мумкун...

Muslim1990

2015-01-22 14:55:48

Имамдар туура
эле кылган.Силерге имамдар эмне жаралган беле аларда деле конул деген бар да

Naimanka-kg

2015-01-22 16:57:15

Имамга акаарат келтиргенге эч кимдин акысы жок. Шариятта ата энеге жаназаны оз балдары окуганы дурус. Озун окуй албайсынбы, окуган адамды сыйла. Ар биринин уйуно барып жаназа окуп бериш имамдын милдети эмес. Дагы акысын бергенин милдет кылгандарга кантейин...

Комментарий калтыруу үчүн өз ысымыңыз менен кириңиз же каттоодон өтүңүз.