Асель Кадырбекова Апа

Оңой эмес жол басып,
Отурасың ой басып.
Билдим апа, чоң бакыт,
Сенин барың.
Мен деп канча ыйладың,
Жүрөгүңдү кыйнадым,
Бирок апа, сиз бар деп,
Мен сынбадым.

Ыйлап турсам канатына жашырган,
Жашым сүртүп акырын.
Күлүп койсом күндөй болуп ачылган,
Эки дүйнө бакытым.

Кайырма:
Кең дүйнөнү ачып тааныткан,
Айсыз түндө болуп жарык шам.
Караанымды күткөн алыстан,
Менин асыл апакем.
Өмүр бою болуп убара,
Өмүр жолуң келет улана,
Өзүнөн да артык кубана,
Жүргөн асыл апакем.

Тынч албастан мүнөткө,
Турмуш деген күрөштө.
Колдогонуң апаке,
Чын жүрөктө.
Бакыт көлү жаныңда,
Эркелеткен азыр да.
Бейиш төрү апаке,
Таманыңда.

Ыйлап турсам канатына жашырган,
Жашым сүртүп акырын.
Күлүп койсом күндөй болуп ачылган,
Эки дүйнө бакытым.