Бишкекте коомдук жана мамлекеттик ишмер Мурат Саралиновду акыркы сапарга узатуу зыйнаты болуп өттү

Бүгүн, 15-мартта коомдук жана мамлекеттик ишмер, акыркы 9 жылда Улуттук Олимпиада комитетин жетектеп келген Мурат Саралинов менен коштошуу зыйнаты болду. Токтоболот Абдумомунов атындагы Кыргыз улуттук академиялык драма театрында орун алган иш-чара маркумдун жакындары, достору, бир кезде чогуу иштеген адамдар, президент Алмазбек Атамбаевдин кеңешчиси Фарид Ниязов, биринчи вице-премьер-министр Тайырбек Сарпашев, вице-премьер министр Дамира Ниязалиева, ЖКнын депутаттары, ички иштер министри Мелис Турганбаев жана башкалардын катышуусунда өттү. 1 саатка чукул болгон иш-чарадан кийин маркумдун сөөгүн жерге берүү үчүн алып кетишти.

Кошумчалай кетсек, бир катар жетекчилик кызматтарда иштеген Мурат Саралинов 13-мартта жүрөк оорусунан көз жумган.

Автор: Максат Кудайбердиев
Фото: Максат Кудайбердиев