Ноорузга карата 19-марттан тартып Бишкектин борбордук көчөлөрүндө унаалардын жүрүшүнө чектөө киргизилет

Нооруз майрамына карата даярдыктардан улам борбордук көчөлөрдө 19-20-мартта саат 10:00дөн 13:00гө чейин унаалардын жүрүшүнө чектөө киргизилет. Ал эми 21-март күнү саат 11:00дөн 13:30га чейин жабык болот. Бул тууралуу шаардык мэриядан билдиришти.

Нооруз майрамында Биринчи Май районунда элдик жүрүштөр, концерт, улуттук тамак-аштарды даярдоо, улуттук жана спорттук оюндардын түрлөрү көрсөтүлөт. Райондун мектептеринде дил баяндар жана сүрөт тартуу боюнча сынактар уюштурулат.

Көлмө жана Алтын-Бешик конуштарында тургундар арасында кичи футбол, волейбол жана баскетбол боюнча мелдештер өткөрүлсө, Ак-Босого, Калыс-Ордо жана Мурас-Ордо конуштарында спорттук иш-чаралар жана майрамдык концерт тартууланат.

Панфилов атындагы сейил бакта аттракциондор ачылып, райондун Балдар чыгармачылык борбору тарабынан концерт уюштурулат.

Автор: Айпери Ганыжан кызы