Казакстандын кыргыз жериндеги элчисинин дипломатиялык миссиясы аяктады

Тышкы иштер министри Эрлан Абдылдаев 19-мартта Казакстандын кыргыз мамлекетиндеги элчиси Бейбит Исабаев менен жолугушту. ТИМдин маалымат кызматына таянсак, элчинин дипломатиялык миссиясы аяктап жатат. Жолугушууда кыргыз-казак мамилеси талкууланып, тараптар бардык деңгээлде байланышты бекемдөө, саясий-экономикалык диалогду улантуу керектигин белгилешти. Абдылдаев кыргыз-казак мамилелерин өнүктүрүүгө кошкон салымы үчүн элчиге ыраазычылык билдирди.

Автор: Автандил Добулбеков