Ажылык сапарга ташуу үчүн тендерге катышкан авиакомпаниялардын документтери толук болбой, кошумча убакыт берилди

Быйылкы ажылык сапарга ташый турган авиакомпаниялардын тендерине катышкан эки компаниянын документтери толук эместиги аныкталды. Бул тууралуу бүгүн, 20-мартта муфтияттан билдиришти.

Маалыматка ылайык, аталган тендер кечээ, 19-мартта өтүп, ага эки авиакомпания катышкан. Бирок тендердик комиссия авиакомпаниялардын документтерин карап чыгып, ал толук болбогондуктан, аны толуктоого 1 жума кошумча убакыт берди. Тендердин жыйынтыгы 26-27-март күндөрү кайра каралмай болду.

Автор: Мальвина Уметбекова