Өкмөт башчы чет өлкөдө документтерин жоготуп алган кыргыз жарандарына жеңилдик берүү боюнча токтомго кол койду

Өкмөт жетекчиси Жоомарт Оторбаев чет өлкөдө жүрүп өздүгүн аныктоочу документтерин жоготуп алган кыргыз мамлекетинин жарандарынын Кыргыз Республикасына кайтып келишине күбөлүк берүү тартибин жөнөкөйлөштүрө турган токтомго кол койду. Бул тууралуу 23-мартта өкмөттүк аппараттан билдиришти. Мындай чечим сырттагы мекендештерге кам көрүү максатында кабыл алынганы айтылды. Токтом расмий жарыяланган учурдан 7 күн өткөндөн кийин күчүнө кирет.

Автор: Автандил Добулбеков