Ата-Бейит. 7-Апрелде уулун жоготкон эне жан сакчыларынын тосконуна карабай президент Алмазбек Атамбаевге кат берүүгө үлгүрдү (фото)

Апрель окуясында каза болгондордун жакындары да маркумдардын эстеликтерине гүл коюшту.

2010-жылдын 7-апрелинде Ак үй алдында 88 жараныбыз курман болгон. Бирок андан кийин беш жылдын ичинде да алган жаракаттарынын кесепетинен ондогон жигиттерибиз көз жумушту.

7-Апрель окуясында уулунан ажыраган эне президент Алмазбек Атамбаевге кат берүүгө үлгүрдү.

Апрель окуясында курман болгондорго куран окулуп, алардын элесине арналып тургузулган монументке гүлчамбар коюлду.

Эскерүүгө 500дөй адам катышты.

Апрель окуясын эскерүү алгач "Ала-Тоо" аянтында өтүп, андан соң "Ата-Бейит" мемориалдык комплексинде улантылды.

"Ата-Бейит" мемориалдык комплексинде 1937-1938-жылдары саясий репрессияга туш болгондорго арналып тургузулган эстелик

Бүгүн, 7-апрелде "Ата-Бейит" мемориалдык комплексинде 2010-жылдын 7-Апрель окуясын эскерүү иш-чарасы өттү. Бул жерге мамлекет жетекчилиги: президент Алмазбек Атамбаев, премьер-министр Жоомарт Оторбаев, спикер Асылбек Жээнбеков, Жогорку Соттун төрайымы Феруза Жамашева жана экс-президент Роза Отунбаева келди. Эскерүүгө жалпы 500дөй адам катышты.

Иш-чарада 7-Апрель окуясында уулунан ажыраган эне президент Алмазбек Атамбаевге кат бермекчи болгондо, мамлекет башчынын жан сакчылары энени өлкө башчыга жолотпоого аракет кылышты. Бирок президент колун сунуп эненин колунан кызыл кездемеге оролгон катты алды.