Жалал-Абад шаарында кызамык жана кызылча оорусуна каршы эмдөө башталды

Жалал-Абад шаарында бүгүн, 12-майда кызамык жана кызылча оорусунун алдын алуу үчүн эмдөө башталды.

Бул тууралуу шаардык мэриядан кабарлашты. Маалыматка таянсак, шаарда эмдөө үчүн 8 үй-бүлөлүк дарыгерлер тобу жана 2 ФАП кызмат көрсөтүүдө.

"Үй-бүлөлүк дарыгерлер тобунун дарыгерлери тарабынан буга чейин шаардагы бала бакчалардын тарбиячыларына жана мектеп мугалимдерине, окуучуларга кызамык жана кызылча оорусу тууралуу түшүндүрүү иштери жүргүзүлгөн. Ал эми бүгүндөн баштап 1 жаштан 20 жашка чейинки балдар, бала бакчалардан баштап жогорку окуу жайлардын студенттерине чейин эмдөөдөн өтүшөт",- деп билдирди Жалал-Абад облустук үй-бүлөлүк медициналык борборунун директору Маматжан Миянов.

Автор: Автандил Добулбеков