"Балдарын кызамык жана кызылча оорусуна каршы эмдетүүдөн баш тарткан ата-энени мажбурлаганга болбойт" дейт бала бакчанын башчысы

Жалал-Абад шаарындагы №16-балдар бакчасында кызамык оорусуна каршы буга чейин ата-энелерге, тарбиячыларга түшүндүрүү иштери жүргүзүлгөн. Аларга кызамык боюнча керектүү маалыматтар камтылган баракчалар таратылган. Бул тууралуу аталган бала бакчанын башчысы Митивар Эргешовага шилтеме берүү менен шаардык мэриядан кабарлашты.

"Биздин тарбиялануучу балдарыбыздын ата-энелери өздөрүнүн Үй-бүлөлүк дарыгерлер борборлорунан эмдөөдөн өтүп келишкендиги тууралуу тактама алып келишет. Эмдөөдөн баш тарткан ата-энелерге эч кандай мажбурлоо болбойт. Азырынча биздин бакчада эмдөөгө каршы эч ким жок. Ал эми эмдөөдөн кийин балдар бакчада жүрүп ооруп калышса, биринчи жардам бергенге дарыларыбыз бар",- деп билдирген
М.Эргешова.

Автор: Максат Кудайбердиев
Фото: Мэриянын басма сөз кызматы