Ош облусунда катуу шамалдан улам келтирилген чыгым 2,5 миллион сомдон ашты

Ош облусунда катуу шамалдан улам келтирилген чыгым 2,5 миллион сомдон ашты. Бул тууралуу бүгүн, 23-майда Өзгөчө кырдаалдар министрлигинен билдиришти.

Маалыматка караганда, катуу шамалдан улам Ош облусунун Араван, Өзгөн, Кара-Кулжа райондорунун тургундары жабыркашкан. Жалпысынан облус боюнча 4232 шиферди шамал учурган. Мындан улам келтирилген чыгым 2 миллион 692 миң сомду түзгөн. Учурда министр Кубатбек Бороновдун тапшырмасы менен 1250 шифер Кура-Кулжа районуна жөнөтүлдү.

Айта кетсек, 21-май күнү саат 17:00 чамасында Ош облусунун аймагында катуу шамал болгон. Анын ылдамдыгы секундасына 25-28 метрге чейин жеткен болчу.

Автор: Бекжан Рыскулов