Алмазбек Атамбаев: “Биз, албетте, эч кимге кол салбайбыз, бирок бизге бирөө кол салса, тумшукка жейт”

“Биз, албетте, эч кимге кол салбайбыз, бирок бизге бирөө кол салса, тумшукка жейт. Анткени эр жүрөк аскерлерибиз бар”,- деп билдирди президент Алмазбек Атамбаев. Мамлекет башчы бул тууралуу бүгүн, 29-майда Бишкектеги Т.Сатылганов атындагы Улуттук филармонияда КРнын Куралдуу күчтөрүнүн 23 жылдыгына арналган салтанаттуу кечеде айтты.

“От жагуу оңой, аны басуу кыйын экенин билебиз. Элди урууга бөлгөндөрдү "душман" деп аташыбыз керек.

Куралдуу күчтөрү, аскери жок элди колу жок эл десек болот. Биздин колубуз бар. Мен өзүбүздүн Куралдуу күчтөрүнүн аскерлери менен сыймыктанам. Кыргыз жергеси эч качан, эч кимге кор болбойт. Баарыңыздарга узун өмүр, бакыт-таалай каалайм, аман-эсен бололу, тынчтык болсун!”- деди президент.

Автор: Наргиза Бекжанова
Фото: Наргиза Бекжанова