Жалпы республикалык тестирлөөдө мыкты көрсөткүчкө быйыл да Бишкектеги №61-мектеп-лицейдин бүтүрүүчүлөрү ээ болушту

Өлкөдө жалпы республикалык тестирлөө боюнча мыкты көрсөткүчтөргө жетишип, 54 алтын сертификат алуучулардын 18и Бишкектеги №61-мектеп-лицейдин бүтүрүүчүлөрү болуп чыкты. Бүгүн мамлекет башчы Алмазбек Атамбаев бүтүрүүчүлөргө алтын сертификаттарды тапшырат.

Маалыматка ылайык, 2015-жылы аталган тестти тапшырууга 52 051 мектеп бүтүрүүчүсү катталып, тестирлөөнүн жыйынтыгы боюнча 54 окуучу мыкты көрсөткүчтөргө жетишти. Мындан сырткары аймактарда 16 окуучу жогорку упай (217-222) алышкан.

Алтын сертификат алуучулардын көпчүлүгү Бишкек шаарынын бүтүрүүчүлөрү. Алар: Ч.Айтматов атындагы Кыргыз-Түрк балдар лицейи, "Айчүрөк" Кыргыз-Түрк лицейи, Кыргыз-Орус Славян университетинин астындагы мектеп, Медициналык академиянын алдындагы лицей жана башка мектеп-лицейдин бүтүрүүчүлөрү.

Автор: Айпери Ганыжан кызы