Бишкекте ишкерлик жаатта кыргыз-түркмөн кызматташтыгына арналган форум өтүүдө

Кыргыз мамлекети менен Түркмөнстан эки тараптуу кызматташтыкты өнүктүрүү үчүн ири потенциалга ээ. Муну бүгүн, 4-августта вице-премьер-министр Валерий Диль "Кыргызстан-Түркмөнстан" форумунда билдирди.

"Өлкөлөр ортосундагы мамилени өнүктүрүүгө мүмкүнчүлүк жогору. Соода-экономикалык, маданий-гуманитардык тармактагы кызматташуу тууралуу сөз болууда. Өлкөлөр ортосундагы товар жүгүртүүнүн көлөмү 2015-жылдын 4 айында 3,3 миллион долларды түздү. Муну эске алуу менен "Кыргызстан-Түркмөнстан" форумунун өтүшү соода-экономикалык байланыштарды өнүктүрүүгө жаңы түрткү берет",- деди Диль.

Айта кетсек, аталган форум бүгүн Бишкек шаарында өтүп жатат.

Автор: Автандил Добулбеков