Алмазбек Атамбаев жана Нурсултан Назарбаев кыргыз-казак чек арасындагы бажы постторун ачууну буюрушту

Бүгүн, 12-августта Чолпон-Ата шаарындагы "Рух-Ордо" маданий борборунда Кыргыз Республикасынын Президенти Алмазбек Атамбаев жана Казакстан Республикасынын Президенти Нурсултан Назарбаев кыргыз-казак бажы постторунун расмий ачылышына тапшырма беришти.

Учурда кыргыз-казак чек арасындагы “Кордай” көзөмөл-өткөрүүчү жайда расмий ачуу иш-чарасында өкмөт башчы Темир Сариев менен Казакстандын өкмөт башчысынын биринчи орун басары Бакытжан Сагинтаев катышууда.

Айта кетсек, бүгүн, 12-августта Кыргыз Республикасы Евразия экономикалык биримдигине толук кандуу мүчө болду.