Орусияда Камбар-Ата-1 ГЭСинин курулушу талкууланды

Кыргыз мамлекетинин премьер-министри Темир Сариев менен Орусиянын премьер-министри Дмитрий Медведев 8-сентябрда жолугушуп, ЕАЭБге кирген кыргыз өлкөсү менен кызматташуунун келечеги талкууланды.

Сариев: "Кыргыз Республикасынын ЕАЭБге киришине тийиштүү документтерди ратификациялоодо колдоо көрсөткөнү үчүн Орусия өкмөтүнө ыраазычылык билдирем. Биз Орусия менен товар жүгүртүүнүн көлөмүн жогорулатууга кызыкдарбыз",- деп билдирсе, Орусиянын өкмөт башчысы эки мамлекеттин жетекчилигинин тез-тезден жолугуп турушу көйгөйлөрдү өз учурунда чечүүгө мүмкүнчүлүк берерин айтты.

Тараптар Камбар-Ата-1 ГЭСи жана Жогорку Нарын ГЭС каскадынын курулушуна байланышкан маселелерди да талкуулашканын өкмөттүк аппараттан билдиришти.

Автор: Автандил Добулбеков