Бишкекте окуучулардын ортосунда ызы-чуу чыгып, 4 бала бычактан жаракат алды

16-сентябрь күнү Бишкекте окуучулардын ортосунда ызы-чуу чыгып, 6 бала жабыркап, айрымдары бычактан жаракат алышкан. Бул тууралуу Бишкек ШИИББинин маалымат кызматынан билдиришти.

Маалым болгондой, 16-сентябрда саат 21:30 чамасында Бишкек шаарынын Свердлов РИИБинин нөөмөт бөлүмүнө Бишкек шаарынын Аламүдүн-1 кичи районунда жайгашкан №38-орто мектебинин жанында топтошкон балдардын ортосунда мушташ болгону боюнча маалымат түшкөн. Свердлов РИИБинин жетекчилери жана тергөө-ыкчам тобу окуя болгон жерге барганда, ал жерден ар кандай жаракат алган 1999-жылы туулган Ө.Ю. жана 1999-жылы туулган Ө.Д. аттуу окуучулар "Тез жардам" менен №3-ооруканага жеткирилишкен.

Милиция кызматкерлери окуя болгон жерде текшерүү жүргүзүшкөн учурда Аламүдүн-1 кичи районундагы "Магнит" дүкөнүнүн жанынан кызыл ала, канга окшогон эки так табылган. Андан кийин Свердлов РИИБинин нөөмөт бөлүмүнө "Бишкек шаарындагы Мамакеев атындагы ооруканага ар кандай жаракаттар менен 1998-жылы туулган Б.А., 1999-жылы туулган Б.Б. жана 1998-жылы туулган А.Э. жеткирилди" деген маалымат келген.

Жабырлануучулар:

1. Б.А. 1998-жылы туулган, жашаган жери: Учкун жаңы конушу, Бишкек шаарынын №38-орто мектебинин 11-классынын окуучусу. Ооруканадан алынган билдирүү боюнча, бычак ичин кесип, ичегисине сайылган.

2. Б.Б. 1999-жылы туулган, жашаган жери: Бишкек шаары, Көлбаев көчөсү-33, Бишкек шаарынын спорт мектебинин 11-классынын окуучусу. Ооруканадан алынган билдирүү боюнча, башына сокку тийген, төбөсү канап калган.

3. А.Э. 1998-жылы туулган, жашаган жери: Бишкек шаары, Көлбаев көчөсү-33, спорт мектебинин 10-классынын окуучусу. Ооруканадан алынган билдирүү боюнча, ичи кесилген.

4. Ө.Д. 1999-жылы туулган, жашаган жери: Бишкек шаары, Көлбаев көчөсү-33, спорт мектебинин 10-классынын окуучусу. Ооруканадан алынган билдирүү боюнча, ичине бычак сайылган.

5. Ө.Ю. 1999-жылы туулган, жашаган жери: Бишкек шаары, Көлбаев көчөсү-33, спорт мектебинин 10-классынын окуучусу. Ооруканадан алынган билдирүү боюнча, ичине бычак сайылган.

6. С.Р. 1999-жылы туулган, жашаган жери: Бишкек шаары, Көлбаев көчөсү-33, спорт мектебинин 10-классынын окуучусу. Ооруканадан алынган билдирүү боюнча, жаак сөөгү сынган.

Иш боюнча соттук-медициналык жана тийиштүү экспертизалар дайындалды. Азыркы учурда бул окуя тууралуу Свердлов РИИБинин кызматкерлери тарабынан териштирүү иштери жүрүп жатат.

Автор: Жамалидин Парманкулов

11:19 17-09-2015

Жазылуу

РУБРИКАДАГЫ СОҢКУ КАБАРЛАР

17:50 2025-06-28 | Түркүн дүйнө

The Times: Израил Иранга чабуул жасоого даярдыкты 2010-жылы баштаган 1217 0

17:28 2025-06-28 | Түркүн дүйнө

Путин Украина менен Стамбулда үчүнчү ирет сүйлөшүү өткөрүүгө даяр экенин билдирди 961 0

16:25 2025-06-28 | Түркүн дүйнө

АКШда асмандан сырдуу оттуу шар байкалды (видео) 1793 0

16:07 2025-06-28 | Түркүн дүйнө

Пакистанда теракт уюштурулуп, 16 адам каза тапты 725 0

14:56 2025-06-28 | Түркүн дүйнө

Ливанда Израилдин аба соккусунан 11 адам жаракат алды 1147 0

14:36 2025-06-28 | Коом жана турмуш

Такыр-Төр көлүнөн коркунуч жаралган аймактарда "Өзгөчө кырдаал" режими киргизилди 1089 0

Архив

Комментарийлер (10)

AiBoru

2015-09-17 11:30:08

Жапжаш туруп бычак которуп жургонун. Бир эле бычак менен ошончо баланы бычактаганбы же арбиринде бар болгонбу бычак.
Кантсе да азыркы балдарга сабыр ыйман берсин

AIZAD

2015-09-17 11:34:50

Укмуш. Кандай туура тарбия бериш керек? Деп коркосун . Кудай сактасын!

marmiladka9

2015-09-17 11:45:57

мындай корунуштор коп кайталанып жатат. июльда Озгон районунда да ушундай корунуш болгон. 99дар м.н 98дер мушташып 2 бала бычакталган. 1су оор болчу 1жарым айда чыкты ооруканадан.

EdikoKG

2015-09-17 11:46:19

Мектеп рекеттерин жок кылып,катуу тартип керек. Ата-эне менен мугалимдер биргеликте иш алпарып,катуу козомолго албаса,мектепте тартипсиздик менен кылмыштуулук кучой берет.

nur0077

2015-09-17 11:48:02

Ушул окуучулар окуусун бутолек жатып бычак сайышса,адамды кийин жон эле союшат го.Тарбия-тартиптин начарлыгы,талаптын,жоопкерчиликтин жоктугу.

jindijigit

2015-09-17 12:19:05

Охоо эки школдун балдарынын ортосунда конкретная "стрелка" болгон ондонот))).Ата энелеринин шору да эми не болмок эле.

-1

medina.

2015-09-17 12:19:29

Жиндилер.Эми не тапты?

Bandit_bala

2015-09-17 12:39:29

Jaman ish boluptur birok azyrky zamandyn talaby ushundai bolup kaldy da sport shkol dep jatpaiby osholor kelip chagymda mektep okuchularyna kyiyn bolgongo oshondon urush bashtalgan menin oiumcha

Nur_Iman

2015-09-17 13:40:41

Мен ушул мектепте окуп кеткем, Аламедин 1кичи районунда жайгашкан баардык мектептерге спорт мектебинин балдары коп барчу (инкуб), мындай мушташтардын далайын баштан откозгонгонбуз, канча бала сабалып, каза болгондор да болсо керек жанылышпасам, ушуга окшогон (разборкалар) болуп келген жана боло берет.

azamat-1992kg

2015-09-17 21:08:28

Мен дагы 38-мектепти бүткөм. Бир жагында уйгурлар, бир жагында спорт мектеби. Азыркы спорт мектебин окуган балдары мурунку балдарга караганда тынчыраак. Мындай көрүнүш болуп келген жана боло бермекчи.

Комментарий калтыруу үчүн өз ысымыңыз менен кириңиз же каттоодон өтүңүз.