Жалпы республика боюнча шайлоодо добуш бергендердин саны 1 миллиондон ашты, алдыда Нарын жана Талас облустары (тизме)

Жалпы республика боюнча шайлоодо добуш бергендердин саны 1 миллиондон ашты. Бул тууралуу бүгүн, 4-октябрда маалымат жыйынында БШКнын мүчөсү Нурмамат Ашимов билдирди. Анын айтымында, саат 16:00гө карата аймактар боюнча көрсөткүчтөр төмөнкүдөй болууда:

Бишкек шаарындагы жалпы 368 194 шайлоочудан 130 743ү добуш берди. Бул көрсөткүч борбор калаадагы шайлоочулардын 35,5 пайызын түзөт.

Ош шаары (133 388 адам) - 45 740 адам добуш берди (34,3 пайыз)

Нарын облусу (150 137 адам) - 64 665 адам добуш берди (43,1 пайыз)

Талас облусу (122 983 адам) - 52 867 адам добуш берди (43 пайыз)

Баткен облусу (223 763 адам) - 91 806 адам добуш берди (41 пайыз)

Жалал-Абад облусу (495 455 адам) - 189 585 адам добуш берди (38,3 пайыз)

Чүй облусу (453 754 адам) - 173 544 адам добуш берди (38,2 пайыз)

Ысык-Көл облусу (241 012 адам) - 89 098 адам добуш берди (37 пайыз)

Ош облусу (557 309 адам) - 201 051 адам добуш берди (36,1 пайыз)

"Чет мамлекеттердеги 1293 кыргыз жараны (8,4 пайыз) добуш берди. Ал эми жалпы республика боюнча 1 039 099 адам (37,9 пайыз) шайлоого катышты",- деди Ашимов.

Автор: Нургазы Аматов