Кыргыз жеринде быйыл кургак учук менен күрөшүүгө 628 миллион сом бөлүндү

Кыргыз мамлекетинде 2015-жылы кургак учук менен күрөшүүгө республикалык бюджеттен 628 миллион сом бөлүнгөн. Бул тууралуу бүгүн, 15-октябрда Милдеттүү медициналык камсыздандыруу фондунун директору Марат Калиев билдирди.

“Кыргыз мамлекетинде жылдан-жылга кургак учук менен ооругандардын саны арбып баратат. 2015-жылдын экинчи жарымында кургак учук менен ооруган жаш балдардын саны өстү. 628 миллион сом бул өтө чоң сумма, андыктан аны туура жана так пайдалануу зарыл”,- дейт Калиев.

Фонд жетекчиси 2016-жылы кургак учук менен күрөшүүгө бюджеттен 745 миллион сом каралганын кошумчалады.

Автор: Анархан Алтымышова