Ошто кутурган ит төрт адамды тиштеп салып, алар ооруканага жаткырылышты

Ошто кутуруп кеткен ит төрт адамды тиштеп салып, алар ооруканага жаткырылышты. Бул тууралуу Өзгөчө кырдаалдар министрлигинин басма сөз кызматынан 3-ноябрда билдиришти.

Маалыматка таянсак, Кара-Суу районундагы Учар айылында 1-ноябрь күнү саат 11:00 чамасында кара түстөгү ит алдынан чыккан адамдарга жана иттерге кол салып, тиштеп кете берген. Анын кесепетинен Учар айылынан 3 адам жана Ош шаарынын аймагынан 1 адам жабыркаган. Мындан сырткары айылдын иттери да тиштелген. Учар айылынын жергиликтүү тургундары тарабынан ит өлтүрүлүп, аны ветеринардык лабораториядан текшергенде, иттин кутуруп кеткендиги аныкталган.

Кутурган иттен жабыркаган жарандар:

2002-жылы туулган Ж.А., Ош шаарынын тургуну, кутурмага каршы эмдөө алынды, амбулатордук дарыланууда;
1987-жылы туулган К.А., Учар айылынын тургуну, кутурмага каршы эмдөө алынды, амбулатордук дарыланууда;
1959-жылы туулган М.Ү., Учар айылынын тургуну, кутурмага каршы эмдөө алынды, амбулатордук дарыланууда;
2013-жылы туулган Э.А., Учар айылынын тургуну, кутурмага каршы эмдөө алынды, Ош облустар аралык балдар клиникалык ооруканасында дарыланууда.

Учурда “Ош-Тазалык” муниципалдык ишканасынын мергенчилери тарабынан ит атуу иштери уюштурулуп, кутурган ит аралап өткөн көчөлөрдөн 17 ит атылып, жок кылынган. Ошондой эле Ош шаардык ветеринардык жана фитосанитардык коопсуздук боюнча мамлекеттик инспекциясы тарабынан кутурма оорусу боюнча элге түшүндүрүү жана жолбун иттерди аттырып жок кылуу иштери улантылууда. Ветеринардык-санитардык эреженин негизинде кутурган ит өлтүрүлгөн жердин айланасындагы айыл чарба малдарын аталган ооруга каршы эмдөө жана залалсыздандыруу иштери жүргүзүлүүдө.

Ош шаарындагы Оорулардын алдын алуу жана санитардык-эпидемиологиялык мамлекеттик көзөмөлдөө борбору тарабынан атайын топ түзүлүп, кутурма оорусунун алдын алуу максатында Жапалак айыл аймактык башкармалыгында эл арасында кутурма оорусу боюнча эпидемияга каршы иш-чараларын жүргүзүү менен санитардык агартуу иштери күчөтүлдү. Ош шаарынын №1-Үй-бүлөлүк медицина борборунун №6-филиалынын кызматкерлери тарабынан медициналык көзөмөлгө алынды.

Автор: Жамалидин Парманкулов

09:56 03-11-2015

Жазылуу

РУБРИКАДАГЫ СОҢКУ КАБАРЛАР

15:54 2025-06-29 | Саясат

Кыргызстанга Тажикстандын тышкы иштер министри расмий сапары менен келет 44 0

15:34 2025-06-29 | Саясат

Садыр Жапаров Орусиянын Тышкы иштер министри Сергей Лавровду кабыл алды 168 0

14:40 2025-06-29 | Саясат

Сергей Лавров: "Ысык-Көл – Кыргызстандын эле эмес, бүтүндөй Евразиянын бермети" 476 0

13:58 2025-06-29 | Саясат

Чаткалда чакан ГЭСтер менен Каныш-Кыя–Кара-Буура автожолунун курулушуна старт берилди (фото) 352 0

13:11 2025-06-29 | Саясат

Камчыбек Ташиев Чаткал райондук төрөт үйүн оңдоп-түзөөдөн өткөрүү тапшырмасын берди 428 0

13:06 2025-06-29 | Түркүн дүйнө

АКШда асмандан тик учак аркылуу акча таркатылды (видео) 1355 0

Архив

Комментарийлер (12)

guzel_

2015-11-03 10:30:48

Ит тиштеген адамдар да кутуруп кетпейби.толук дарыланса болот бекен.

tursunbaev2004

2015-11-03 11:43:35

guzel_,толук дарыланса коркунуч болбойт

kobra86

2015-11-03 11:48:14

guzel_, Ит тиштегендмн баары кутурбайт экен ал эми адамдарды текшерип ашого жараша даарылашат. Менда билбестен кутурган ит менен ойноп алып дарылангам ой ой уколу жаман ачуу жумалап оорусу басылбаган бир жыл дарылашкан врачтар

-1

Leylektik-77777

2015-11-03 10:39:34

Кудай сактасын,ит тиштегендер сакайып кетсин.Менин аяш атамдыда кутурган тулку колун тырмап салган экен ,ал билбей журоберип акырында кутуруп,ток мн олтургон доктурлар.

jemile

2015-11-03 10:42:41

Jabyr tartkandarga shypaa bersin

sterva

2015-11-03 10:43:43

Менин аяш энемди да ит тиштеп,коп отпой аяш энем каза болгон,дары,уколдорун сразу алган болчу

aku

2015-11-03 10:48:16

2013- жылкы кичинекей балага жаман болуптур да 2 жаштагы бала жакшы болуп кетсе экен ото катуу тиштелбеген болсо экен.

kobra86

2015-11-03 11:49:47

Баары айыгып кетишсин бироосу 2 жаштагы бала экен байкушум

Kanat198816

2015-11-03 12:56:43

эртерээк айыгып кетишсин,кочодо жургон иттердин баарын атып салышса жакшы болмок эле.

BakytAliev

2015-11-03 14:47:41

Баткенде бир бала кутуруп кетип бир аялды тиштеп салды откондо

aku

2015-11-03 19:08:21

BakytAliev, адамдар да кутуруп кеткенде тиштеп калат бекен? Анан ал баланы эмне кылышты,аялчы?

aiturgasha

2015-11-03 16:02:25

ии ушу иттерден аябай корком.озу ит кантип кутуруп кетет? не болгондо? же озунон озуле кутуруп кетеби?

Комментарий калтыруу үчүн өз ысымыңыз менен кириңиз же каттоодон өтүңүз.