Талас. Талас эли светтин акчасын учурунда төгүүгө көнүүдө

2012-жылдын январь-октябрь айларынын ичинде “Түндүкэлектр” ачык акционердик коомунун Таластагы филиалы тарабынан 10 кВ жогорку чыңалуудагы жана 4 кВ орто чыңалуудагы линияларды жана трансформатордук подстанцияларды реконструкциялоо, оңдоо иштери жүргүзүлүп, жалпысы 48,1 миллион сомдук оңдоо иштери аткарылды. Анын ичинен техникалык тейлөө иштерине 25,6 миллион сом жумшалган. Облуста калк арасында жана мекеме-ишканалардын ортосунда түшүндүрүү иштери жакшы жолго коюлгандыктан, электр энергияга болгон дебитордук карыз жыл башынан бери 12,3 миллион сомго азайган, анын ичинен бюджеттик карыз 10,8 миллион сомго, калктын карызы 1,5 миллион сомго төмөндөгөн.