Борбор калаада кошунасын зордуктоого шектелип 39 жаштагы жаран кармалды

Борбор калаада кошунасын зордуктоого шектелип 39 жаштагы жаран кармалды. Бул тууралуу бүгүн, 27-июлда Бишкек шаардык ички иштер башкы башкармалыгынан билдиришти.

Маалыматка ылайык, милицияга арыз менен 33 жаштагы Чүй облусунун М.П. аттуу тургуну кайрылган. Ал 25-июлга караган түнү саат 03:00 чамасында Д. аттуу кошунасы күч колдонуу менен аны зордуктап койгонун билдирген. Жүргүзүлгөн иликтөө иштеринин алкагында кылмышка шектүү катары 39 жаштагы И.А. аттуу шаар тургуну кармалган. Учурда ал убактылуу кармоочу жайга киргизилип, бул факт боюнча тергөө амалдары жүрүүдө.

Автор: Мальвина Уметбекова