Аксы районунда жер көчкү жүрүп, мал сарайдын жарымын басып калды

Аксы районунда жер көчкү жүрүп, мал сарайдын жарымын басып калды. Бул тууралуу бүгүн, 1-августта Өзгөчө кырдаалдар министрлигинин басма сөз кызматы билдирди.

Окуя 31-июль күнү аталган райондун Чыр-Дөбө аймагында болгон.

"Анда 11 кожолукту сугат суу менен камсыз кылуу максатында курулган арыктан өткөн суу бир жак бетине сиңип, болжол менен 700 метр куб жер көчкү түшкөн. Түшкөн жер көчкү арыктын төмөн жагында жайгашкан мал сарайдын жарымын басып калган. Сарайда мал болгон эмес жана адам өмүрүнө зыян келген жок", - деп айтылат маалыматта.

Автор: Бекжан Рыскулов